Septem sorores ante toros fratrum stant et lacrimant.

Sed Diana non dubitat et tela in sorores mittit.

Statim una puella clamat: ‘Ei mihi!’ et cadit.

Sex puellae fugere temptant, sed frustra,

nam Diana quinque puellas telis necat.

Nunc una tantum filia restat.

Niobe filiam ultimam protegere temptat et clamat:

‘Desine, Diana! Ultimam filiam mihi relinque! Parce ei!’

Dum rogat, eheu, filia iam cadit.

Nunc dolet Niobe. Diu sedet inter exanimes filios et filias.

Non iam se movet. Paulatim in saxum vertitur.

Quodam die ventus saxum in patriam Niobes rapit.

Ibi nunc etiam saxum videre potes simile feminae.

Saxum aliquando ‘lacrimat’: lacrimae Niobes sunt.