Ecce venit Niobe! Irata feminis dicit:

‘Quid video? Cur Latonae sacra facitis?

Cur Latonam colitis? Cur eam mihi praeferre audetis?

Mihi genus clarum est: Iupiter avus meus est et Tantalus pater.

Gentes Phrygiae me timent.

Ampion coniunx rex Thebarum est.

Ubique divitias in regia video.

Formosa sum.

Mihi septem filii et septem filiae sunt.

Fortuna mihi numquam nocere poterit!

Latonae duo liberi tantum sunt: Apollo et Diana.

Dea tamquam orba est. Ideo vobis suadeo:

domum redite et me pro Latona colite.’

Feminae ei parent et abeunt.